Ջրագնդակի Հայաստանի ֆեդերացիայի ORWP ակումբի 14 տարեկանների թիմը գերազանց հանդես եկավ ԱՄՆ պատանեկան օլիմպիադայի եզրափակիչ փուլում ու նվաճեց չեմպիոնի տիտղոսը: Հիմնականում ԱՄՆ-ում բնակվող պատանիներով համալրված թիմը կիսաեզրափակիչում 13-11 հաշվով հաղթեց «Սաութ Բեյին» ու մտավ եզրափակիչ:
Վճռորոշ խաղում մեր թիմի մրցակիցը «Սաութ Քոստն» էր: Հանդիպումը շատ համառ բնույթ կրեց: Հիմնական ժամանակն ավարտվեց ոչ-ոքիՙ 11-11: Հաղթողին որոշելու համար նշանակվեցին 5 մ տուգանային հարվածներ: Իրեն գերազանց դրսեւորեց մեր թիմի դարպասապահ Թոնի Գեւորգյանըՙ հետ մղելով հարվածներից 3-ը: Հենց նրա վստահ խաղի շնորհիվ էլ ORWP ակումբի թիմն իր պատմության մեջ առաջին անգամ դարձավ ԱՄՆ պատանեկան օլիմպիադայի չեմպիոն:
Թոնի Գեւորգյանը ճանաչվեց մրցաշարի լավագույն դարպասապահ: Լավագույն խաղացողների մրցանակներին արժանացան Հարութ Աշխարյանն ու Դավիթ Առաքելյանը:
