ԳՐԻԳՈՐՅԱՆԸ ՀԱՎԱԿՆՈՒՄ Է ԳԼԽԱՎՈՐ ՄՐՑԱՆԱԿԻՆ

Իսպանիայի շախմատի մրցաշարում վստահ ելույթներն է շարունակում Կարեն Գրիգորյանը, որն ավարտական տուրից առաջ 7 միավորով շարունակում է գլխավորել աղյուսակը: 8-րդ տուրում նա սպիտակներով հաղթեց Կարեն Մովսիսյանին: Ավարտական տուրում Գրիգորյանը սեւերով խաղալու է իրենից կես միավորով հետ մնացող Ալեքսեյ Բարսովի հետ: Հենց այդ պարտիայում էլ կորոշվի գլխավոր մրցանակի տերը: Հաղթողի հավակնորդ է նաեւ 6,5 միավոր ունեցող Դանիել Պուլվետը, որը պարտության մատնեց Հովիկ Հայրապետյանին: Վերջինս 5 միավորով 14-րդ տեղում է: Կարեն Մովսիսյանը 5,5 միավորով 9-րդն է: