Վ. Պ.
Եվրոպական միությունն ու Հայաստանը երեկ հաջողությամբ եզրափակել են Խոր եւ համապարփակ ազատ առեւտրի գոտու ստեղծման բանակցությունները, որը ԵՄ-Հայաստան Ասոցացման համաձայնագրի մի մասն է:
Եվրոպական հանձնաժողովի պաշտոնական հաղորդագրության համաձայնՙ բանակցությունների 7-րդ եւ միաժամանակ վերջին փուլն անցկացվել է երեկ Երեւանում, որի ընթացքում բանակցողները փաստաթղթի հիմնական տարրերի վերաբերյալ համաձայնության են եկել, ինչը «ԵՄ եւ Հայաստանի միջեւ առեւտրային հարաբերությունների նոր շրջանակ կստեղծի»: ԽՀԱԱԳ համաձայնագիրը կհզորացնի Հայաստանի տնտեսական ինտեգրումը ԵՄ-ի հետ` հայկական եւ եվրոպական ապրանքների ու ծառայությունների համար մեկը մյուսի շուկայում առավել լավ հասանելիություն ապահովելով:
«Այն Հայաստանին հիմք կտա իր առեւտրային հարաբերությունները արդիականացնելու, նաեւ տնտեսական զարգացման համար», ասվում է հաղորդագրության մեջ, մասնավորեցմամբ, որ Հայաստանում իրականացվող բարեփոխումները Հայաստանի համար պայմաններ կստեղծեն տնտեսության հիմնական ճյուղերը ԵՄ ստանդարտներին համապատասխանեցնելու համար: «Ակնկալվում է, որ ԽՀԱԱԳ համաձայնագրով առեւտրային կատարելագործված հնարավորությունները ԵՄ եւ Հայաստանի համար տնտեսական օգուտներ կբերեն»:
Հաղորդագրությունում մեջբերում է արված անկախ մի ուսումնասիրությունից, որի համաձայն երկարաժամկետ կտրվածքով Հայաստանի տնտեսությունը յուրաքանչյուր տարի կարող է լրացուցիչ 146 մլն եվրո ունենալ, երբ ԵՄ-ը կարող է շահել մոտ 74 մլն եվրո:
