ՄԻԱԺԱՄԱՆԱԿՅԱ ԽԱՂԱՇԱՐ ԼԵՎՈՆ ԱՐՈՆՅԱՆԻ ՄԱՍՆԱԿՑՈՒԹՅԱՄԲ
Լեւոն Արոնյանը երեկ Տիգրան Պետրոսյանի անվան շախմատիստի տանը միաժամանակյա խաղի սեանս անցկացրեց լրագրողների եւ հաշմանդամություն ունեցող անձանց հետ: Միջոցառումն անցկացվեց «Սպորտը հանուն հավասար հնարավորությունների» խորագրի ներքո, որը նպատակ ունի հանրության ուշադրությունը հրավիրել հաշմանդամություն ունեցող մարդկանց հիմնախնդիրներին:
Նմանատիպ միջոցառումները Հայաստանում կազմակերպում են «Հույսի կամուրջ» եւ «Առաքելություն Արեւելք» կազմակերպությունները, որոնց աջակցել էր շախմատի Հայաստանի ֆեդերացիան: Լեւոն Արոնյանն արդեն 4-րդ անգամ մասնակցեց նման միջոցառմանը:
