Իսպանիայում ընթացող շախմատի մրցաշարի 5-րդ տուրում Հովիկ Հայրապետյանը ոչ-ոքի խաղաց Նազար Ֆիրմանի հետ: Հաշտություն կնքեց նաեւ Կարեն Գրիգորյանը, որի մրցակիցը Մհամալ Անուրագն էր: Իսկ Մարկ Բասենչյանը հաղթեց Յոլանդա Կաստիլիոյին:
5 տուրից հետո Հովիկ Հայրապետյանը 4 միավորով 10-րդ տեղում է: Կարեն Գրիգորյանը 3,5 միավորով 13-րդ տեղում է, իսկ Մարկ Բասենչյանը 2,5 միավորով հանգրվանել է 57-րդ հորիզոնականում: Առաջատարը նորվեգացի Սիմեն Ագդեստայնն է, որը 5-րդ անընդմեջ հաղթանակը տոնեց Դանիել Դվիրնիի հետ մրցավեճում:
