ՍՈՆԱ ՏԻԳՐԱՆՅԱՆ ԵՎ ԶԱՎԱԿՆԵՐ
ՀՀ նախագահ պ-ն Սերժ Սարգսյանին
Մեծարգո պ-ն Նախագահ
«Վարդգես Պետրոսյան մշակութային ֆոնդը» հիմնադրվել է 1999 թվականին, Լոս Անջելեսում, գրողի ընտանիքիՙ տիկնոջ եւ զավակների նախաձեռնությամբ: Ֆոնդը զբաղվում է գրահրատարակչությամբ: Հիմնել է մանկապարտեզ, շաբաթօրյա դպրոց, «Վերնատուն» միություն, նույնանուն TV հաղորդաշար: Նաեւ մանկապատանեկան «Youngsters Theater», TV «Meridian Productions» ստուդիա: Այժմ ղեկավարում է խոշոր հեռուստաընկերություն: «Meridian Productions»-ը այս տարիներին իրականացրել է բազմաթիվ հսկայածավալ մշակութային ծրագրեր, շքեղ մրցանակաբաշխություններՙ աշխարհի լավագույն հայ արվեստագետներին ի մի բերելու, ներկայացնելու եւ մեծարելու համար:
Կարծում ենք վաղուց ժամանակն է Հայաստանումՙ Երեւանում հիմնել Վարդգես Պետրոսյանի տուն թանգարան:
Ս/թ օգոստոսի 9-ին լրանում է գրողի ծննդյան 80-ամյակը: Լավագույն առիթ օգտագործելու հրաշալի գաղափարը, հավաքելու, ի մի բերելու ողբերգական դեպքերից հետո գրողի ցաք ու ցրիվ եղած հազվագյուտ արխիվը, որն ընդգրկում էր ոչ միայն Վարդգես Պետրոսյանի, այլ նաեւ ժամանակի խոշոր պետական գործիչների, բարձրաստիճան զինվորական պաշտոնյաների, գրողների, դերասանների, նկարիչների, ոչ միայն հայ, այլեւ աշխարհի մասշտաբով մեծ գրողների նամակներ, լուսանկարներ, աուդիո եւ վիդեո ժապավեններ: Այս արժեքները վերադարձնելու դժվարին գործով զբաղվում է գրողի այրինՙ Սոնա Տիգրանյանը, ում ջանքերով էլ սփյուռքում իրագործվել է թվարկած վերոհիշյալ ծրագրերի մեծ մասը:
Գրողի այրին ցանկանում է վերադառնալ հայրենիքՙ ավարտելու սկսած գործը եւ իրական տերերինՙ հայրենիքին, հայ ժողովրդին հանձնելու Վ. Պետրոսյանի ժառանգությունը: Դիմում ենք ձեզՙ ակնկալելով ձեր աջակցությունը Վարդգես Պետրոսյանի տուն-թանգարանի համապատասխան տարածք հատկացնելու խնդրանքով:
Հավատով ստորագրում ենք
347 Milford st. unit 102. Glendale CA 91203 tel. 818 4048820 sonatigranyan@yahoo.com
