Երեկ Պոդոլսկի ճանապարհատրանսպորտային միջադեպի հետ կապված հայտարարությամբ է հանդես եկել Հայաստանում Ռուսաստանի դեսպանությունը, որտեղ ասվում է, թե հուլիսի 13-ին մերձմոսկովյան Պոդոլսկում տեղի ունեցած եւ 18 մարդու կյանք խլած ճանապարհատրանսպորտային պատահարը որոշ անձինք օգտագործվում են հակառուսական տրամադրություններ հրահրելու նպատակով:
Մարդկային մեծ ողբերգությունը նեղ քաղաքական նպատակներով օգտագործելու եւ հայ-ռուսական հարաբերություններում խզում հրահրելու գործողությունները դեսպանության հայտարարության մեջ անվանվում են ոչ տեղին. «Պոդոլսկի ողբերգությունը չունի ազգային երանգ, այն հետաքննվելու է բազմակողմանի, մանրակրկիտ, անկողմնակալ եւ առանց էմոցիաների», ասված է հայտարարության մեջ:
