Օրերս «Ոսկե ծիրան» Երեւանի միջազգային կինոփառատոնի 10-ամյակին նվիրված հոբելյանական երեկույթի շրջանակներում մշակույթի նախարար Հասմիկ Պողոսյանը հատուկ մրցանակներով եւ մեդալներով պարգեւատրեց մի շարք կինոգործիչների: «Ոսկե ծիրան» Երեւանի միջազգային կինոփառատոնի հիմնադիր տնօրեն Հարություն Խաչատրյանին շնորհվեց ՀՀ Ժողովրդական արտիստի կոչում, իսկ ծրագրերի տնօրեն, կինոգետ Միքայել Ստամբոլցյանին` «Մովսես Խորենացի» մեդալ: Սուսաննա Հարությունյանին շնորհվեց ՀՀ մշակույթի վաստակավոր գործչի պատվավոր կոչում:
ՀՀ անկախության 20-ամյակի առթիվ «Ոսկե ծիրան» կինոփառատոնի հիմնադիրներից կինոռեժիսոր Ատոմ Էգոյանին շնորհվեց Պատվո շքանշան, իսկ դերասանուհի Արսինե Խանջյանը պարգեւատրվեց Հայրենիքի հանրության ծառայությունների համար Առաջին կարգի մեդալով:
Մշակույթի նախարարության Ոսկե մեդալով պարգեւատրվեցին «Ոսկե ծիրան» ՄԿՓ-ի փոխտնօրեն, կինոռեժիսոր Արա Խանջյանը, կինոռեժիսորներ Իշտվան Սաբոնը, Յոս Ստելինգը եւ Մարգարեթ ֆոն Թրոթան:
