Վարուժան Հակոբյանը դարձավ ԱՄՆ-ի Արլինգտոն քաղաքում անցկացված շախմատի մրցաշարի հաղթող: Ավարտական տուրում ոչ-ոքի խաղալով Վիկտոր Լազնիչկայի հետ, Հակոբյանը 9 հնարավորից վաստակեց 6,5 միավոր: Նույնպիսի արդյունքի հասան նաեւ Կեսադա Յունիեսկին, Լազարո Բրուզոնը, Վիկտոր Լազնիչկան, Սերգեյ Էրենբուրգը, Թամազ Գելաշվիլին, Պարիմարջան Նեգին, Ալեխանդրո Ռամիրեսը, Յուրի Շուլմանն ու Կոնրադ Հոլթը:
Գլխավոր մրցանակի հարցը վճռվեց լրացուցիչ մրցախաղում: Վճռորոշ կայծակնային պարտիայում սեւերով ոչ-ոքի խաղալով Կեսադա Յունիեսկու հետ, Վարուժան Հակոբյանը դարձավ մրցաշարի հաղթողՙ պարգեւատրվելով 3990 դոլարով:
Տաթեւ Աբրահամյանը 4.5 միավորով գրավեց 50-րդ տեղը: Ավարտական տուրում նա հաշտություն կնքեց Մանուել Լեոն Հոյոսի հետ:
