«Միկայի» գլխավոր մարզչի պաշտոնից վերջերս հեռացած սլովակ Ժոլտ Հոռնյակը ստանձնել է «Բանանցի» ղեկը: Հոռնյակը 1+1 տարբերակով պայմանագիր է կնքել ակումբի հետ: Նա կփոխարինի ուկրաինացի Վլադիմիր Պյատենկոյին, որը թիմը գլխավորել էր առաջնության գարնանային հատվածի 10 հանդիպումներում:
Ինչպես հայտնի է, «Բանանցն» անհաջող հանդես եկավ նախորդ առաջնությունումՙ եզրափակելով աղյուսակը: Օրերս Ստեփանակերտում անցկացված ՀՖՖ գործկոմի նիստում որոշվել է «Բանանցին» թույլատրել նոր մրցաշրջանում էլ հանդես գալ բարձրագույն խմբում, քանի որ Դիլիջանի «Իմպուլսը» լուծարվել է եւ առաջնության մասնակիցների թիվը հասել էր 7-ի:
