Գրող, հրապարակախոս, Մեյնի Հայ դատի գրասենյակի ակտիվ աշխատակից Աննա Աստվածատրյան-Թուրկոտտեն Միչիգանի Հայ դատի կազմակերպությամբ Բիրմինգհեմի «Գորգերի աշխարհում» (սեփականատեր Հակոբյան) առեւտրի տանը հունիսի 15-ին կայացած հանդիպման ժամանակ ներկայացրել է իր «Ոչ մի տեղ: Տարագրության պատմություն» գիրքը, որտեղ նկարագրված են Բաքվի, Սումգայիթի եւ Կիրովաբադի կոտորածների մանրամասնությունները: Նա իր փորձառության վրա հիմնվելով, որպես Բաքվի ջարդերը վերապրող, կոչ է արել ավելի միասնականորեն եւ հարատեւորեն աշխատել հանուն Լեռնային Ղարաբաղի պաշտպանությանն ու անկախության ճանաչմանը:
Ինչպես հայտնի է, Մեյնը այս տարվա ապրիլին ճանաչեց ԼՂՀ-ի անկախությունը: Դրանից բացիՙ ԼՂՀ-ին ճանաչել են նաեւ Ռոուդ Այլենդը, Մասաչուսեթսը եւ Լուիզիանան:
Երեկոն ավարտվել է հարց ու պատասխան բաժնով:
