Մարտունու պոլիկլինիկայի 7 բժշկի եւ մեկ բուժքույրի այս տարի էլ Մարտունու զինկոմ, փոխգնդապետ Մարտիրոս Զուռնաչյանն առաջարկել է հունվար-փետրվար ամիսներին ըստ օրենքի ընդգրկվել զինկոմիսարիատի նախազորակոչային հանձնաժողովի կազմում եւ աշխատել նորակոչիկների հետ: Մինչ աշխատանքի անցնելը կայացել է ժողով զինկոմի գլխավորությամբ: Նա հավաստիացրել է, որ երկու ամսվա կատարած աշխատանքի համար բուժաշխատողները վճարվելու են: Հունվար-փետրվար ամիսներին բուժաշխատողները կատարել են իրենց պարտականությունները, սակայն չեն վճարվել: Մի քանի ամիս շարունակ Մարտունու զինկոմը նրանց ասել է, որ պաշտպանության նախարարությունը գումար չի տրամադրում, որ կարողանան աշխատավարձը վճարել: Իսկ գումարը փոքր չէ: Բուժքույրի աշխատավարձը կազմում է 60.000 դրամ, իսկ 7 բժիշկներինը` 80-100.000-ական դրամ: Եթե այս գումարը բազմապատկենք 2-ով, ապա ստացվում է բավական կլորիկ գումար, որը կամ պաշտպանության նախարարությունը չի տրամադրում, կամ էլ Մարտունու զինկոմն է պահում:
Բուժաշխատողներն ընդամենը ցանկանում են իմանալ, թե ի՞նչն է խնդիրը, որ շուրջ 4-5 ամիս կատարած աշխատանքի դիմաց չեն վարձատրվում եւ ինչո՞ւ է պաշտպանության նախարարությունը ոտնահարում իրենց իրավունքները:
