Հենրիխ Մխիթարյանի «Լիվերպուլ» տեղափոխվելու գործընթացում լրիվ անորոշություն է տիրում: Այս օրերին Հենրիխը Փարիզում իր արձակուրդն է անցկացնում, մինչդեռ նա պետք է հունիսի 23-ին միանար «Շախտյորի» իր թիմակիցներին: «Շախտյորի» գլխավոր տնօրեն Սերգեյ Պալկինն այդ առնչությամբ հետեւյալն է նշել. «Թե ինչ պատճառով Հենրիխ Մխիթարյանը չներկայացավ հավաքին, մեզ հայտնի չէ: Եթե Մխիթարյանը մոտ օրերս չհայտնվի թիմում, ապա ստիպված կլինենք նրան տուգանել: Նա «Լիվերպուլի» հետ ոչ մի շփում չունի: Համոզված եմ, որ ակումբի հետ Մխիթարյանի բանակցությունների մասին լուրերն ընդամենը խոսակցություններ են: «Շախտյորը» նրա տրանսֆերի հարցով «Լիվերպուլից» առաջարկություն չի ստացել: Որեւէ ենթադրություն չունեմ, թե ինչու է Մխիթարյանը բացակայում հավաքից: Լավ կլիներ, որ նրանից հարցնեք: Հաստատ գիտեմ, որ Հենրիխը խաղընկերների եւ մարզիչների հետ ոչ մի կոնֆլիկտ չունի, «Շախտյորից» հեռանալու ցանկության մասին նրանից ոչինչ չենք լսել»:
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական