Ինչպես արդեն տեղեկացրել ենք, Գյումրիի «Շիրակը» չեմպիոնների լիգայի որակավորման առաջին փուլում մրցելու է Սան Մարինոյի «Տրե Պենեի» հետ: Վիճակահանությամբ մրցակիցների առաջին հանդիպումը պետք է կայանար Գյումրիում: Սակայն «Տրե Պենեի» ներկայացուցիչները խնդրել են, որ առաջին խաղը կայանա Սան Մարինոյում: Մրցակցի խնդրանքը «Շիրակը» չի մերժել:
Այսպիսով, հուլիսի 2-ին «Շիրակը» կհյուրընկալվի «Տրե Պենեին»: Խաղը կսկսվի Երեւանի ժամանակով ժամը 23-ին: Պատասխան հանդիպումը տեղի կունենա հուլիսի 9-ին Գյումրիում: Հանդիպման սկիզբըՙ ժամը 17-ին:
