Մոսկվայի «Սպարտակը», «Զենիթը», Դոնեցկի «Շախտյորն» ու Կիեւի «Դինամոն» որոշել են առաջին քայլը կատարել միավորված առաջնության կազմակերպման հարցում: Այս թիմերի մասնակցությամբ հունիսի 27-ին մեկնարկում է ընկերական մրցաշարը: Տարբեր երկրներ ներկայացնող մրցակիցները միմյանց հետ կխաղան սեփական եւ մրցակցի դաշտերում: Առաջին խաղում հունիսի 27-ին «Շախտյորը» կհյուրընկալվի «Զենիթին»: 3 օր անց ուկրաինական ակումբը կհյուրընկալի «Սպարտակին» եւ խաղադաշտում միմյանց կհանդիպեն Հենրիխ Մխիթարյանն ու Յուրա Մովսիսյանը: Հուլիսի 3-ին մրցակիցները կրկին խաղադաշտ դուրս կգանՙ այս անգամ Մոսկվայում: 3 օր անց Դոնեցկում կկայանա «Շախտյոր»-«Զենիթ» հանդիպումը: Մրցաշարը կավարտվի հուլիսի 7-ին «Դինամոյի» եւ «Սպարտակի» մրցավեճով: