Իրանի նախագահության բարեփոխական թեկնածու Մոհամմեդ Ռզա Արեֆը հայտարարել է, որ ինքը դուրս է գալիս մրցավազքից: Փոխնախագահի պաշտոնը զբաղեցնող Արեֆի խոսքերով, ինքը իր թեկնածությունը հանել է բարեփոխականների առաջնորդներից մեկիՙ Մոհամմեդ Խաթամիի խնդրանքով: Հունիսի 10-ին հայտնի դարձավ, որ նախագահական ընտրարշավը լքել է եւս մեկ թեկնածուՙ խորհրդարանի նախկին նախագահ Գոլամ Ալի Խադդադ Ադելը, որը Իրանի հոգեւոր առաջնորդ Ալի Խամենեիի մերձավորներից է: Նախագահական ընտրությունները տեղի կունենան հունիսի 14-ին: «Ամերիկայի ձայն» ռադիոկայանը մեջբերում է հարցումների տվյալներ, որոնց համաձայն ընտրություններում հաղթելու առավել մեծ հնարավորություններ ունի Իրանի միջուկային ծրագրի վերաբերյալ գլխավոր բանակցող Սաիդ Ջալիլին, որը հայտնի է իր արտաքին քաղաքական «կոշտ» հայացքներով:
ԻՐԱՆ. ԵՐԿՈՒՍԸ ՀԵՌԱՑԱՆ
Վերջին լուրեր
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական