Երեկ հետմիջօրեին ՀՀ կառավարության ընդունելությունների տանը տեղի ունեցավ Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի 3-րդ նիստը, նախագահությամբ Սերժ Սարգսյանի:
Ողջունելով հանձնաժողովի անդամներին, որոնց շարքում էին ԼՂՀ նախագահը, Ամենայն հայոց կաթողիկոս Գարեգին Բ-ն, Մեծի տանն Կիլիկիո կաթողիկոսի ներկայացուցիչը, ՀՀ վարչապետը, բարձրաստիճան մի շարք պաշտոնյաներ, նախարարներ, սփյուռքի քաղաքական, բարեգործական, կրոնական եւ մշակութային գլխավոր կազմակերպությունների ներկայացուցիչներ, նախագահը կարեւորեց, որ նիստերի միջեւ ընկած ժամանակահատվածում հանձնաժողովն անընդհատ աշխատել էՙ իրականացնելով իր ստանձնած առաջադրանքները:
Նիստն ընթացավ օրակարգում ընդգրկված հարցերին համապատասխան, եղան զեկուցումներ, առաջարկություններ, կայացվեցին որոշումներ: Նիստի ավարտին որոշվեց հանձնաժողովի հաջորդ նիստը գումարել 2014 թ. մայիս ամսին:
