Հայաստանի Էներգետիկայի զարգացման գործում կարեւոր նշանակություն ունի արհեստական բանականության օգտագործումը: Ստորեւ ներկայացնում ենք նրա հնարավոր զարգացման միտումները:
Արհեստական բանականությունը ամենահայտնի եւ խոստումնալից տեխնոլոգիաներից մեկն է: Այն օգտագործվում է տարբեր ոլորտներում, այդ թվում՝ էլեկտրաէներգիայի արտադրության մեջ:
Էլեկտրաէներգիայի ոլորտում արհեստական բանականության օգնությամբ հնարավոր է զգալիորեն բարձրացնել համակարգերի աշխատանքի արդյունավետությունը, ինչպես նաեւ փոքրացնել ֆինանսական ծախսերը:
Մասնավորապես, էլեկտրաէներգիայի ոլորտը օգտագործում է այս տեխնոլոգիան տարբեր խնդիրներ լուծելու համար:
1. Էլեկտրաէներգետիկական համակարգը կառավարելու համար
Արհեստական բանականության շնորհիվ հնարավոր է հեռակառավարել էլեկտրաէներգետիկական համակարգը: Օգտագործելով հատուկ ալգորիթմներ եւ հսկայական տվյալների վերլուծություն, հնարավոր է ճշգրիտ կանխատեսել պիկային բեռնվածություները եւ վերահսկել էներգիայի սպառումը: Այն թույլ է կտա նվազեցնել ծախսերը եւ խուսափել էլեկտրական ցանցի գերբեռնվածության հետ կապված խնդիրներից: Արհեստական բանականության միջոցով հնարավոր է հայտնաբերել եւ կանխել համակարգի խափանումները, որը մեծացնում է համակարգի հուսալիությունը:
2. Էներգաարդյունավետությունը բարելավելու համար
Քանի որ տեխնոլոգիան ի վիճակի է վերլուծել մեծ ծավալի տվյալներ, որոշել համակարգի շահագործման օպտիմալ պարամետրերը, որը հնարավորություն է տալիս նվազեցնել բնապահպանական ռիսկերը եւ սպառվող էներգիայի քանակը: Օրինակ՝ արհեստական բանականությունը կարող է օպտիմալացնել օդորակման համակարգի աշխատանքը՝ նվազեցնելով էներգիայի ծախսերը եւ փոքրացնել շրջակա միջավայր վնասակար արտանետումների քանակը:
3. Սարքավորումների վիճակի մոնիտորինգ եւ վերահսկում
Արհեստական բանականությունը թույլ է տալիս վերահսկել սարքի աշխատանքի յուրաքանչյուր ձախողում եւ խնդիր: Տեխնոլոգիան ի վիճակի է հայտնաբերել խնդիրը վաղ փուլում: Դրա շնորհիվ կարելի է կանխել բազմաթիվ անսարքություններ եւ անցանկալի հետեւանքներ:
Տեխնոլոգիաների օգտագործման հեռանկարները
Փաստորեն, էլեկտրական թվային համակարգերը վաղուց վերահսկվում են համակարգչի միջոցով: Բոլոր պարամետրերը ձեռքով կառավարելը պարզապես անհնար է: Հետեւաբար, օգտագործվում է արհեստական բանականության վրա հիմնված թվային համակարգ:
Արհեստական բանականության օգտագործման հիանալի օրինակ է որակի կանխատեսման եւ էներգիայի արտադրության փոխանցման ու բաշխման համակարգը: Դրանով կարող ենք պլանավորել էլեկտրաէներգիայի արտադրությունը եւ պահպանել համակարգի արդյունավետությունն ու կայունությունը:
Ամփոփում
1. Ներկայում Հայաստանում անհրաժեշտ է մեծ տեղ հատկացնել էներգետիկական համակարգերի ավտոմատացմանը եւ ծախսերի կրճատմանը:
2. Բնական է,որ արհեստական բանականությունը չի կարող 100%-ով փոխարինել մարդկանց: Սակայն այն զգալիորեն կբարձրացնի էներգահամակարգի շահագործման արդյունավետությունը, կնպաստի բնապահպանական խնդիրների լուծմանը:
3. Անհրաժեշտ է բուհական համակարգում ունենալ առանձին առարկա:
ՍՏԵՓԱՆ ՊԱՊԻԿՅԱՆ
