Հունվարի 29-ին Բունդեսթագում նացիոնալ-սոցիալիզմի զոհերի հիշատակի միջոցառումից հետո Ադրբեջանի դեսպան Աղաեւը, որ Օսվենցիմի ազատագրման 80-ամյակի առիթն օգտագործելով, մի քանի օր է հակասեմականությունը, ցեղասպանությունը, կրոնական եւ էթնիկ ատելությունը դատապարտող գրառումներ է անում X-ում, համարձակվում կրկնել՝ այլոց սահմանած «այլեւս երբեք»՝ այսօր սին դարձած հանձնառությունը, հասնում է իր նպատակին: Բաքվում Իսրայելի դեսպան Ջորջ Դիիքը նույն հարթակում երախտագիտություն է հայտնում Ադրբեջանին՝ ոչ միայն «Ողջակիզման հիշատակի օրը հարգելու», այլեւ՝ «ադրբեջանցի 300 000 նահատակներին, որ նացիզմի դեմ պայքարում զոհվել են»: 1945 -ի հունվարի 27-ին Օսվենցիմն ազատագրող կարմիրբանակայինների մեջ հայեր չկայի՞ն: Նացիզմի, ֆաշիզմի դեմ հայ ժողովրդի պայքարի մասին որեւէ գրառում չկա ո՛չ ՀՀ ԱԳՆ-ի, ո՛չ էլ հունվարի 23-ին Օսվենցիմի հուշահանդեսին մասնակցած ԳԴՀ-ում ՀՀ դեսպանի էջում:
ԱՆԱՀԻՏ ՀՈՎՍԵՓՅԱՆ
Գերմանիա
Լուսանկարում՝ Հունվարի 29-ին Բունդեսթագի նիստերի դահլիճում նացիոնալ-սոցիալիզմի զոհերի հիշատակի արարողության ժամանակ ելույթ ունեցավ միջազգային մրցույթների դափնեկիր Ժորա Սարգսյանը: 1994-ին Երեւանում ծնված, 2014-ին ուսումնառության նպատակով Բեռլին տեղափոխված վիրտուոզ դաշնակահարն առավել հուզառատ դարձրեց հուշահանդեսը՝ կատարելով հրեա կոմպոզիտոր Հանս Գալի (1890-1987) «Երեք պրելիուդը»
