Լոս Անջելեսում անգլերեն լեզվով լույս է տեսել դրամատուրգ, նկարիչ, կատակերգու եւ ռեժիսոր Վահե Բերբերյանի թվով երրորդ վեպը` «Մեռած մարդու օրագիրը» խորագրով:
Ըստ «Միրոր-Սփեքթեյթր» շաբաթաթերթի` ապշեցնող եւ խորհրդավոր շրջադարձեր պարունակող հատորը առինքնող պատմությունն է մի երիտասարդի, որը Լոս Անջելեսի երեւութապես կատարյալ իրավիճակից հայտնվում է պատերազմի քաոսային Հալեպում, որտեղ նրա ձեռքն է ընկնում պատերազմական օրերի հնամաշ մի օրագիր` գրված 1870-ական թվականներին: Օրագիրը Պանդորայի արկղի դերն է կատարում՝ բացահայտելով ընտանեկան գաղտնիքներ եւ ավանդույթներ, որոնք փոխում են երիտասարդ իրավաբանի կյանքը: Նա աշխատում է հաղթահարել իր հեղձուցիչ ներկայի եւ ցավոտ անցյալի մղձավանջները: «Ես իմ սերն ու հոգին եմ դրել այդ հատորի մեջ», նշել է Բերբերյանը:
Գիրքը ունենալ ցանկացողներին խորհուրդ է տրվում այցելել «www.վահեբերբերյան.com/store» կայքը:
Հ. Ծ.
