«Վահան Թեքեյան» մրցանակաբաշխություն

 Հայաստանի Թեքեյան մշակութային միությունը հայտարարում է 2024 թվականի ստեղծագործությունների մրցույթ հետեւյալ անվանակարգերում.

1) Գրականություն

2) Հայագիտություն

3) Կերպարվեստ (գունանկար, քանդակ, գրաֆիկա)

4) Դեկորատիվ-կիրառական արվեստ

Յուրաքանչյուր անվանակարգում հաղթողը կստանա դրամական պարգեւ` 1500 ԱՄՆ դոլարին համարժեք դրամ: Մրցույթին կարող են մասնակցել արվեստագետներ ինչպես Հայաստանից, այնպես էլ նրա սահմաններից դուրս:

Մրցույթին մասնակցել ցանկացողները հետեւյալ հղմամբ armtmm.com/tekeyan-award պետք է օգոստոսի 28-ից մինչեւ հոկտեմբերի 10-ը (ներառյալ) լրացնեն մասնակցության հայտ՝ ներկայացնելով 2024 թվականին իրենց հեղինակած աշխատանքների վերաբերյալ ճշգրիտ տեղեկատվություն կամ դիմեն ՀԹՄՄ գրասենյակ: Սխալ կամ թերի լրացված հայտերը չեն դիտարկվի:

Լրացուցիչ տեղեկությունների համար դիմել Հայաստանի Թեքեյան մշակութային միության գրասենյակ, ամեն օր` բացի շաբաթ եւ կիրակի օրերից, ժամը 12:00-16:00-ն (հասցե` Երեւան, Խանջյան 50, 2-րդ հարկ, հեռ.` 010-55 26 32, 010-57 02 83):

Հայաստանի Թեքեյան մշակութային միության կենտրոնական վարչություն