Քրդական բանվորական կուսակցության հիմնադիր Օջալանը, որ 1999-ի փետրվարից ի վեր բանտում է, կոչ է արել իր համակիրներին զենքը վայր դնել, ապա այն լուծարելու մասին ծանուցել: Երեկ հետմիջօրեին միջազգային ԶԼՄ-ների տարածած այս լուրը սկզբում անհավանական էր թվում: 1978-ին Օջալանի հիմնած, 1984-ից ի վեր թուրքական պետության դեմ ՔԲԿ-ի պայքարը, որին զոհ գնաց 45 000 մարդ, հերոսական դիմադրության շարժման վառ օրինակ էր նաեւ ճնշված այլ ժողովուրդների համար, եւ երեկ, փետրվարի 27-ին, 40 տարվա պայքարից հետո, Աբդուլլահ Օջալանն այն ավարտեց: Իմրալի կղզում բանտարկված Օջալանին նախ այցելել են քրդամետ DEM ՝ազգերի ժողովրդավարության կուսակցությունից, այնուհետ պատգամավորները Ստամբուլ վերադառնալով մամլո ասուլիսին ընթերցել են նրա կոչը: DEM-ի եւ ՔԲԿ-ի նախնական համաձայնությամբ Օջալանը պիտի տեսաուղերձի միջոցով հաղորդեր կոչը, բայց Թուրքիայի արդարադատության նախարարի մերժումից հետո այն գրավոր է դարձել: Շշուկներ կան, որ Օջալանը վաղաժամ կազատվի բանտից:
ԱՆԱՀԻՏ ՀՈՎՍԵՓՅԱՆ, Գերմանիա
