Երեկ գերմանական լրատվամիջոցների ուշադրության առանցքում Ֆինլանդիայի եւ Շվեդիայի՝ ՆԱՏՕ-ին հնարավորինս արագ անդամակցության հարցն էր, ինչին ի պատասխան Ռուսաստանն արձագանքել է, թե այդ պարագայում այլեւս ի չիք կդառնա Բալթիկայի միջուկազերծ տարածքի կարգավիճակը։ ՌԴ-ի նախկին նախագահ, այժմ անվտանգության խորհրդի փոխնախագահ Մեդվեդեւը զգուշացրել է, թե հնարավոր անդամակցության դեպքում, ՌԴ-ն պետք է ամրացնի իր պաշտպանությունը, հավասարակշռությունը չպետք է խախտվի։ Ցայժմ նման միջոցների չի դիմել, քանզի նման մտադրություն չի ունեցել։ Լիտվայի վարչապետ Ինգրիդա Սիմոնիետեի կարծիքով, Ռուսաստանի սպառնալից տոնը նոր չէ, վկա՝ միջուկային զենքի ահռելի պաշար ամբարող ռուսական Կալինինգրադ դարձած Քյոնիգսբերգը։ Ֆինլանդիան եւ Շվեդիան դեռ որոշում չեն կայացրել. Հետեւում են իրենց քաղաքացիների բանավեճին։
ԱՆԱՀԻՏ ՀՈՎՍԵՓՅԱՆ
Գերմանիա
