Նիկոլ Փաշինյանը միանձնյա կերպով հրաժարվում է կատարել Ստոկհոլմի միջազգային արբիտրաժային պարտադիր որոշումը՝ պաշտպանելով ոչ թե Հայաստանի, այլ իր անձնական շահերը: Դա ուղիղ ճանապարհ է դեպի պետականության կազմաքանդում:
Որոշումը՝ ի նպաստ Սամվել Կարապետյանի ընտանիքի, պարտադրում է դադարեցնել «Էլեկտրացանցերի» վրա գրոհը, սակայն Հայաստանի իշխանությունը բացահայտ անտեսում է միջազգային իրավունքը՝ վերածելով երկիրը մեկ մարդու քմահաճույքին ենթարկվող հարթակի:
Մենք հայտարարում ենք՝
- Փաշինյանը չունի իրավասություն չեղարկելու միջազգային դատարանի որոշումը:
- Նրա գործողությունները վտանգում են պետության հեղինակությունը, խոչընդոտում արտաքին ներդրումները ու ժողովրդի բարեկեցությունը:
- Նա վերածում է Հայաստանը մեկուսացված պետության, որտեղ օրենքները փոխարինվում են անձնական վենդետաներով:
Ռամկավար կուսակցությունը կոչ է անում միջազգային կազմակերպություններին հետեւել Հայաստանի գործողություններին եւ զգուշացնում, որ Փաշինյանի կամայականությունները վտանգ են ներկայացնում ոչ միայն հայկական տնտեսության, այլեւ իրավակարգի համար:
