Հոկտեմբերի 26-ին հայաստանյան «Ջինջ» վոկալ դուետը հայ երաժշտական մշակույթը ներկայացրել է Իսպանիայի Լա Կորունյա քաղաքում կայացած «Վոմեքս» փառատոնում: Դուետի անդամներն են Ֆրանսիայում ծնված Սեւանա Չաքըրյանը եւ Հայաստանում ծնված Գոռ Թադեւոսյանը: Նրանք ստեղծել են մի նոր երաժշտական ժանր՝ անվանելով այն «արմո-բիթ», որը միախառնում է հայ ժողովրդական հնչյուններն ու ռիթմերը էլեկտրոնային կամ հիփ-հոփ բիթերին՝ ոգեշնչվելով Հայաստանի բազմազան բնապատկերներից եւ մշակույթից: Ծնված լինելով երաժշտությունը որպես բուժիչ ուժ պատերազմից տուժած իրենց հայրենիքում օգտագործելու ընդհանուր ցանկությունից՝ «Ջինջն» ստեղծվել է Սեւանայի եւ Գոռի՝ հայ գաղթականների համար սեմինարների կազմակերպման արդյունքում: Ինչպես ասել է Սեւանան՝ «Մեզ հավասարապես ոգեշնչում են բնության հովը, գյուղական կյանքը, շատ օրգանական հնչյունները, որոնք մենք գտնում ենք հայ ժողովրդական երաժշտության եւ քաղաքի զարկերակի, էլեկտրիֆիկացված եւ էլեկտրոնային հնչյունների ու կատաղի զարկերի մեջ»:
Այս տարի առաջին անգամ Հայաստանը ներկայացել է երաժշտության ոլորտում առաջատար մասնագետների պատվիրակությամբ (մենեջերներ, լեյբլներ, հրատարակիչներ) եւ ունեցել է իր տաղավարը:
Ա. Բ.
