«Վտանգված ազգերի ընկերակցությունը» եւ Ցեղասպանության ճանաչման հանձնախումբը օգոստոսի 23-ին, ժամը 12-ին կոչ են անում հսկում իրականացնել Բեռլինում՝ կանցլերի նստավայրի առջեւ: «Պարո՛ն Շոլց, կանխե՛ք Արցախի ցեղասպանությունը: Ադրբեջանը պետք է դադարեցնի սովի մատնող շրջափակումը»: Կոչի հեղինակները մամլո հաղորդագրության մեջ իրազեկում են, որ «սարսափով եւ զայրույթով են համակվել՝տեղեկանալով, որ Ստեփանակերտի 40-ամյա բնակիչներից Կ. Հովհաննիսյանն արդեն սովամահության զոհ է դարձել: Արցախի նախագահ Արայիկ Հարությունյանը բնորոշել է ցեղասպանություն, ինչը հաստատել է Մորենո Օքամփոն, սակայն արցախահայության ցեղասպանության մասին ահազանգը մնում է անարձագանք»: «Իրավունք չունենք հետագա զոհերի դիտորդ լինելու», ձեւակերպել է ընկերակցության ներկայացուցիչ Զարա Ռայնքեն (Sarah Reinke):
ԱՆԱՀԻՏ ՀՈՎՍԵՓՅԱՆ
