Շինարարական աշխատանքներ՝ Արցախում

Արցախի Հանրապետության Ասկերանի շրջանի Աստղաշեն համայնքի վարչական տարածքում Մադաթաշեն, Սղնախ, Մոշխմհատ եւ Ջրաղացներ համայնքներից տեղահանված ընտանիքների համար կառուցվող նոր բնակավայրի շինարարական աշխատանքներն ակտիվ են ընթանում:

Նախատեսվում է կառուցել 149 առանձնատուն: Ներկայում ավարտված է 12 առանձնատան կառուցումը: Ընթացքում են 10-ի շինարարական աշխատանքները: Աշխատանքներ են կատարվում 60 առանձնատան ներքին հարդարման համար: Շուտով կսկսվի առանձնատների կահավորման գործընթացը: Միաժամանակ կատարվում են նաեւ ստորգետնյա եւ վերգետնյա ենթակառուցվածքների ստեղծման, փողոցների բարեկարգման աշխատանքներ:

Ստ. ՊԱՊԻԿՅԱՆ