Վերջերս ՀՀ գիտությունների ազգային ակադեմիայում մեկնարկեց ՀՀ ԳԱԱ «Ճառագայթային ֆիզիկա եւ հարակից կիրառություններ» 4-րդ միջազգային գիտական դպրոցը: Այն նվիրված է ՀՀ ԳԱԱ ֆիզիկայի կիրառական պրոբլեմների ինստիտուտի հիմնադրման 45-ամյակին եւ անցկացվելու է Երեւանում ու Գյումրիում: Գիտական դպրոցի նպատակն է ներկայացնել ճառագայթային ֆիզիկայի ոլորտի արդի խնդիրները, արդյունքները, ՀՀ ԳԱԱ ֆիզիկայի կիրառական պրոբլեմների ինստիտուտի հիմնադիր Ա. Մկրտչյանի գիտական ժառանգությունը:
Գիտական դպրոցն ունենալու է շուրջ 130 մասնակից Անգլիայից, Իտալիայից, Հայաստանից, Մալազիայից, Շվեյցարիայից, Ռուսաստանից, Սաուդյան Արաբիայից:
Ընդգծվեց միջոցառման կարեւորությունը միջազգային համագործակցության ընդլայնման եւ նոր գաղափարների գեներացման համար: Գիտական դպրոցի թեմատիկան ընդգրկում է ուղղությունների լայն շրջանակ՝ մասնիկների եւ ճառագայթման փնջերի փոխազդեցությունները տարբեր միջավայրերի հետ, իոնացնող ճառագայթման աղբյուրներ եւ դրանց կիրառություններ մասնիկների եւ ճառագայթման սպեկտրոսկոպիա ակուստիկ ալիքների տարածում եւ ցրում տարբեր միջավայրերում ճառագայթային տեխնոլոգիաները հնագիտության, բժշկական ֆիզիկայի, բնապահպանական գիտության եւ աստղագիտության մեջ ֆունկցիոնալ նյութեր եւ բյուրեղների աճ:
ՍՏԵՓԱՆ ՊԱՊԻԿՅԱՆ
