Չորեքշաբթի օրը, հունիսի 21-ին, Հայաստանի Նկարիչների միության տանը տեղի ունեցան ուշագրավ զույգ ձեռնարկներ: Շքեղորեն ներկայացվեցին մեծատաղանդ նկարիչ Մայիս Մխիթարյանի առավել շքեղ կտավները, միաժամանակ տեղի ունեցավ նկարչի նորընծա՝ շքեղաշուք պատկերագիրք-ալբոմի շնորհանդեսը:
Պատկերագիրքը՝ «Մայիս Մխիթարյան» խորագրով, տպագրվել է Արկադի Փինաչյանի աջակցությամբ, «Տիգրան Մեծ» հրատարակչատանը: Խմբագիրն է Լիլիթ Ղազարյանը, ձեւավորողը՝ Արամ Ուռուտյանը, լուսանկարիչները՝ Զավեն Սարգսյանը եւ Արման Կարախանյանը: 152 էջ ծավալով պատկերագրքի վերջում նկարչի բազմաթիվ լուսանկարներն են արվեստակից ընկերների, հայտնի մտավորականների, ընտանիքի անդամների եւ ալբոմի խմբագրակազմի հետ:
