ԳԴՀ նախագահի Ադրբեջան այցի ծրագրում նշված չէ, թե Շթայնմայերը Բաքվից բացի այլ վայրերում էլ լինելու է: Երեւի այդ է պատճառը, որ Բեռլինում Ադրբեջանի դեսպանն իր հաջողություն չգրանցած նպատակի ձախողումը փորձում է մեղմել՝ X-ում գերմանացիներին «լուսավորելով»: Աղաեւը կարճ տեսանյութ է տեղադրել, կից գրությամբ՝ «19-րդ դարի տիպիկ գերմանական տուն… Ադրբեջանում», մեկնաբանել է դեսպանը՝ բազմակետով տրոհելով իր պետության անունը 19-րդ դարից: « 200 եւ ավելի տարիներ առաջ շվաբները Վյութեմբերգից եկել են այստեղ՝ կրոնական ազատություն եւ տնտեսական հնարավորություն փնտրելու: Ադրբեջանցի մահմեդականների հետ ապրել են ներդաշնակ, եղբայրությամբ, կերտելով համակեցության հզոր ժառանգություն, որն այսօր դեռեւս արձագանքում է»: Այս հարցը մեր թերթում մեկ անգամ էլ ենք տվել՝ կա՞ հայ հեղինակների հիմնարար աշխատություն Արցախում հայ ժողովրդի կողքին ապրած ռուս, հույն, հրեա փոքրամասնությունների մասին: Եթե չկա, արձանագրելը դժվա՞ր է:
ԱՆԱՀԻՏ ՀՈՎՍԵՓՅԱՆ
Գերմանիա
