Վրաստանի Քոբուլեթի քաղաքում հուլիսի 14-ից 17-ը կայացավ «Արեւային Վրաստան» երգի միջազգային մրցույթ-փառատոնը: Փառատոնին մասնակցում էին ոչ միայն Վրաստանի տարբեր քաղաքներից երգիչ կատարողներ, այլ նաեւ Ուկրաինայից, Մերձբալթյան երկրներից եւ այլն: Հայաստանից փառատոնին մասնակցեց «Ծիածան Վոկալ ստուդիան» Ռուզաննա Ջամբազյանի ղեկավարությամբ: Մեր մասնակիցները աչքի ընկան կատարողական բարձր վարպետությամբ, ճանաչվեցին լավագույնը եւ գրավեցին առաջին տեղը: Անի Ավետիսյանը, Նանե Հովսեփյանը, Անգին եւ Էլիզա Պողոսյանները կարողացան բարձր պահել Հայաստանի պատիվը միջազգային այս կարեւոր հարթակում: Մասնակիցների մեջ Անին ամենակրտսերն էր:
Անի Ավետիսյանը «Ուր ես, իմ երկիր» երգը կատարեց նաեւ հայերեն լեզվով եւ մեծ հետաքրքրություն առաջացրեց: Սիրում է երգել: Ի դեպ, նա 10 տարեկան է: Սովորում է Երեւանի Ա. Շիրվանզադեի անվան թիվ 21 դպրոցի 5-րդ դասարանում: Անին հաճախում է նաեւ Ա. Հեքիմյանի անվան երաժշտական դպրոցի 3-րդ դասարան: Դասերից ազատ ժամանակ հաճախում է Արեւելյան մարտարվեստների կենտրոն, որտեղ սիրով զբաղվում է նաեւ «Այկիդո» ճապոնական մարտարվեստով: Ունի կանաչ գոտի: Առաջիկայում նախատեսվում է մասնակցություն նոր մրցույթների:
Ստեփան ՊԱՊԻԿՅԱՆ
