Աթենքում լույս է տեսել Գեւորգ Ղազարյանի «Հայ-բյուզանդական եկեղեցական հարաբերությունները 10-11-րդ դարերում» հունարեն աշխատությունը՝ գրված դոկտորական թեզի հիման վրա (2022, 355 էջ): Սա հեղինակի երկրորդ հրատարակված մենագրությունն է. մինչ այդ Աթենքի «Հերոդոտոս» հրատարակչությունը 2019-ին լույս է ընծայել նրա «Փոտ պատրիարքը եւ Հայոց Եկեղեցին. Մեծ Հայքի կաթողիկոս Զաքարիային ուղղված Թղթի նշանակությունը» աշխատությունը, նույնպես հունարեն:
Ծնունդով երեւանցի Գեւորգ Ղազարյանը մանկավարժություն, հոգեբանություն եւ աստվածաբանություն է սովորել Տվերի պետական համալսարանում (Ռուսաստան), ապա ուսանել է Էջմիածնի Գեւորգյան հոգեւոր ճեմարանում: 2021-ին աստվածաբանության դոկտորի կոչման է արժանացել Աթենքի Կապոդիստրիայի անվան ազգային համալսարանում:
Նշենք նաեւ, որ վերջերս «Եկեղեցու պատմության ռուսական հանդեսում» (2022, թիվ 3/2) լույս է տեսել Ղազարյանի «Սարկավագուհու ինստիտուտը Հայ առաքելական եկեղեցում» ռուսերեն աշխատությունը:
Ա. Բ.
