Ամերիկյան գրական https://bookriot.com կայքէջը հրատարակել է հունվարին լույս տեսնելիք ութ լավագույն սիրավեպերի ցանկը: Դրանց շարքում է նաեւ անգլիագիր հայազգի հեղինակ Թալին Ոսկունու «Կներես, եղբայր» վեպը: Հերոսուհին՝ Նարը, ապրում է Սան Ֆրանցիսկոյում, ունի ոչ հայ զուգընկեր, որը նրան ամուսնության առաջարկություն է անում: Մյուս կողմից Նարի մայրն ակնկալում է, որ դուստրը հայի հետ պիտի ընտանիք կազմի: Սակայն հերոսուհու կյանքի նպատակներն այլ են: Շուտով Նարը հանդիպում է հայուհի Էրեբունիին, որը շատ ավելի գրավիչ է այն տղամարդկանցից, որոնց ինքը հանդիպում է: Միայն մեկ խնդիր կա. Նարը բիսեքսուալ չէ: Նա պետք է սովորի՝ ինչպես լինել երջանիկ, նույնիսկ եթե դա պահանջում է ինքնության մի փոքր ճգնաժամ:
Թալին Ոսկունին մեծացել է Սան Ֆրանցիսկոյի ծոցի տարածքում՝ շրջապատված հարուստ հայկական համայնքով եւ իր սիրառատ ընտանիքով: Ավարտել է Կալիֆոռնիայի Բերքլի համալսարանը՝ ստանալով անգլերենի բակալավրի աստիճան: Այժմ ապրում է Սան Ֆրանցիսկոյում՝ աշխատելով տեխնոլոգիաների ոլորտում: «Կներես, եղբայրը» Ոսկունու առաջին վեպն է:
Ա. Բ.
