ՀՀ գիտությունների ազգային ակադեմիայի օրգանական եւ դեղագործական քիմիայի գիտատեխնոլոգիական կենտրոնի «դեղաբանության եւ պաթոհիստոլոգիայի» լաբորատորիայում իրականացվել է լյարդի տոքսիկ ցիռոզի ուսումնասիրում: Արդյունքում հայտնաբերվել է նախնական ախտորոշման շղթայական կապը եւ դրա բուժման նոր մոտեցումը՝ համակցված բուսական դեղապատրաստուկներով: «Լյարդ-թոք-երիկամ» ֆունկցիոնալ կապով ուսումնա-սիրվել է լյարդի տոքսիկ ցիռոզի զարգացման դինամիկան, որի վերլուծության արդյունքում մշակվել է հեպատոպրոտեկտորների՝ Ֆլամին/Սիլիմարին բուսական խառնուրդի բուժական ազդեցությունը:
Ուսումնասիրությունները ցույց են տվել, որ լյարդի տոքսիկ ցիռոզի ախտահարման պայմաններում, նախքան ցիռոզի պաթոլոգիայի դրսեւորումը, ի հայտ են գալիս թոքերի եւ երիկամների ախտաբանական գործընթացներ, ընդհուպ՝ ըստ սեռային պատկանելիության տարբերություն: Ուսումնասիրելով բուսական խառնուրդի երկու տարբեր համակցումներ՝ պարզել են արդյունավետ հարաբերակցությունը եւ դրանց բուժական ելքերի դինամիկան զարգացող ցիռոզի ժամանակ:
Առաջիկայում պլանավորում են նոր բուսական հումքի տարբեր համակցումների ակտիվության գնահատում՝ առաջարկված մոդելով լյարդի ախտահարումները վերականգնելու համար: Աշխատանքները ներկայացվել են միջազգային գիտաժողովներում:
ՍՏԵՓԱՆ ՊԱՊԻԿՅԱՆ
Տեխնիկական գիտությունների թեկնածու
