Փետրվարի 18-ին լրանում էր ՀՀ արվեստի վաստակավոր գործիչ, պրոֆեսոր Գագիկ Ցոլակի Սմբատյանի տարեդարձը: Ցավոք, դարի վարակը անխնա գտնվեց նաեւ նրա նկատմամբ: Մի քանի սերունդ դաստիարակած մանկավարժի անժամանակ մահը սգում էին բոլորը. նա ե՛ւ հոգատար հայր էր, ե՛ւ վստահելի ընկեր, ե՛ւ բացառիկ հայրենասեր մարդ…
Երեւանի Կոմիտասի անվան պետական կոնսերվատորիայում Գագիկ Սմբատյանի լսարանին կից փակցվեց հուշատախտակ, այդուհետ Չայկովսկու անվան երաժշտական դպրոցում կայացավ համերգ՝ ի հիշատակ սիրելի պրոֆեսորի: Համերգին մասնակցում էին նրա ուսանողները, նաեւ ՀՀ վաստակավոր արտիստ, պրոֆեսոր Հակոբ Ջաղացպանյանը (կիթառ):
Հիշարժան է Չայկովսկու անվան երաժշտական դպրոցի տնօրեն Մարտուն Կոստանդյանի, Արեգ Նավասարդյանի եւ Անուշ Խաչատրյանի ջանքերով բացված պրոֆեսոր Գագիկ Սմբատյանի գրադարանը՝ համալրված տարբեր երկրներից բերված լարային բաժնին անհրաժեշտ լավագույն նոտաներով: Գրադարանից կարող են օգտվել Չայկովսկու անվան ՄՄԵԴ-ի ուսուցիչներն ու աշակերտները: Նոտաների պատճենները կտրամադրվեն անվճար:
Ննջիր խաղաղությամբ, սիրելի ուսուցիչ:
