Ի՞նչ կորոշի Թրամփը՝ պատերա՞զմ, թե՞…

Հղում անելով «Ուոլ Սթրիթ Ջուռնալին», անգլիական BBC-ն եւ «Էկոնոմիստը» չորեքշաբթի գիշերվանից ի վեր տեղեկացնում են, որ ԱՄՆ նախագահը որոշում կայացնելու դիլեմայի մեջ է՝ միանա՞լ Իրանի դեմ Իսրայելի հարվածներին, թե՞ ոչ: Բրիտանացի վերլուծաբանների կարծիքով, Թրամփը ակնկալում է, որ Թեհրանը ի վերջո կհամակերպվի «առանց նախապայմանի հանձնվելու» իր առաջարկին, որն արդեն իսկ մերժվել է Իրանի հոգեւոր առաջնորդի կողմից, որն իր հերթին սպառնացել է, որ «Իրանի դեմ հարվածները կբացեն դժոխքի դռները բոլորի առաջ, այդ թվում՝ Մ. Նահանգների»: Այլ մեկնաբաններ կարծում են, որ Թրամփի մտավախությունը ներքին հասարակական կարծիքն է: Ընդամենը 10 օր առաջ Gellap-ի անցկացրած հարցախույզի արդյունքներով՝ ամերիկացիների 33 տոկոսը դեմ է Իսրայելին «չափից շատ սիրելուն», հատկապես երիտասարդությունը: