Էրդողանը «փայլեցնում» է իմիջը՝ «Հակասեմականությունը հանցագործություն է»

Իսրայելի նախագահ Իսաակ Հերցոգը 2008 -ից ի վեր առաջին պետական գործիչը եղավ, որ մարտի 9-ին տիկնոջ հետ պաշտոնապես այցելեց Թուրքիա, Անկարայում հանդիպեց Ռեջեփ Թայիփ Էրդողանի հետ, որ ձեռքսեղմումի ժամանակ հենց հաշտության անհրաժեշտ բառերը շարեց՝ «Հակասեմականությունը մարդկության դեմ ուղղված հանցագործություն է» բարձրաձայնելով: Գերմանական ԶԼՄ-ները անդրադարձան երբեմնի մերձավոր դաշնակից 2 երկրների գրեթե 12 տարվա քար լռությունից հետո «խոսելու» այս մեկնարկին, իսկ հրեական համայնքի թերթը՝ «Յուդիշե ալգեմայնեն» Իսրայելի նախագահի քայլը որակեց՝ «երկու երկրների հարաբերությունները վերակենդանացնելու» եւ իմիջը «փայլեցնելու» փորձ: Էրդողանը հանդիպման մասին ասել է ՝«հավատում եմ, որ այս պատմական այցը շրջադարձային կլինի մեր ժողովուրդների հարաբերություններում: Իսրայելի հետ կապի ամրապնդումը մեծ արժեք է մեր երկրի համար»:

ԱՆԱՀԻՏ ՀՈՎՍԵՓՅԱՆ