«Հետաքրքրական էր զբոսնել Երեւանում, տեսնել այն, ինչ սովորաբար ամեն օր ուսումնասիրում ենք տեղեկատվական աղբյուրներով: Զբոսանքի ընթացքում նույնիսկ մի հեռուստալրագրողի տեսա, ճանաչեցի հաղորդումներից», հոկտեմբերի 23-ին X-ում Հանրապետության հրապարակից լուսանկարներ հրապարակելով գրում է ադրբեջանական օդանավով 5 հոգանոց պատվիրակության կազմում հոկտեմբերի 21-22-ին Երեւան ժամանած Հարավային Կովկասի ուսումնասիրությունների կենտրոնի ղեկավար Ֆարհադ Մամմադովը: Նրա կողքին է Բերձորի ճանապարհը փակած Դիլարա Էֆենդիեւան, որ արցախցիներին 150 օր սովի դատապարտած «էկոակտիվիստն» է, հանցագործ, որի տեղը բանտն է: Նույն հարթակում blue ficus անվանյալ օգտատերը գրել էր, որ «Հայաստանը պիտի պատանդառեր Ալիեւի ռազմատենչությանը, շրջափակմանը, էթնիկ զտմանը սատարողների այս խմբին, նրանց փոխանակեր Բաքվի բանտում տառապող հայ պատանդների հետ»:
Ո՞վ եւ ի՞նչպես տուն դարձնելու մեր հայրենակիցներին:
ԱՆԱՀԻՏ ՀՈՎՍԵՓՅԱՆ
