Ծանր, շատ ծանր կորուստ հայկական մատենագիտության եւ բանասիրության համար. Բոստոնում (ԱՄՆ), ուր Բեյրութի նավահանգստի ահավոր պայթյունից վնասված աչքերը վիրահատելու համար մեկնել էր, քաղցկեղից մահացել է Ժիրայր Դանիելյանը, 82 տարեկանում։ Բեյրութի Հայկազյան համալսարանի հայկական բաժնի գրադարանի հիմնադիր եւ վարիչ, նույն համալսարանի դասախոս, այնուհետեւ ՀԲԸՄ-ի Հովակիմյան-Մանուկյան կրթօջախի տնօրեն, «Երիտասարդ հայ» շաբաթահանդեսի, ավելի ուշ՝ ԹՄՄիության «Շիրակ» ամսագրի խմբագիր, հրապարակագիր, վերջին տասնամյակում Մեծի տանն Կիլիկիո կաթողիկոսության մատենադարանի պատասխանատու եւ ուսուցիչ, բազմաթիվ մենագրությունների հեղինակ, լավագույն ներկայացուցիչներից մեկն էր նա սփյուռքահայ մտավորականության, ընդհանրապես հայ մտավորականության, որին սիրում, հարգում եւ ակնածում էին ամբողջ Սփյուռքում եւ Հայաստանում։
Մեր խորազգած ցավակցությունները տիկնոջը՝ Զվարթին, դուստրերին՝ Մարալին եւ Արփիին, եղբորը՝ Բագրատին, ինչպես նաեւ մյուս հարազատներին եւ ընկերների լայն շրջանակին։
Ավելի հանգամանալից կանդրադառնանք հաջորդիվ։
