2024 թվականի սեպտեմբերի 4-ից 8-ը Մոսկվայի Կրասնոպրեսնենսկայա շրջանում գտնվող կենտրոնական ցուցահանդեսային համալիրում անցկացվել է գրքի 37-րդ մոսկովյան միջազգային ցուցահանդեսը: Ռուսաստանում գրքի այս ամենախոշոր միջոցառումը կազմակերպվել է Ռուսաստանի Դաշնության թվային զարգացման, կապի եւ զանգվածային լրատվության նախարարության, Մոսկվայի ԶԼՄ-ների եւ գովազդի դեպարտամենտի, Ռուսական գրքի միության աջակցությամբ:
Այս տարի տոնավաճառ է այցելել ավելի քան 30000 այցելու 300-ից ավելի հրատարակիչներ իրենց գրքերը ներկայացրել են թիվ 5 տաղավարում եւ հանդիպակաց վրաններում: Ցուցահանդեսի միջազգային կարգավիճակը հաստատել են տարբեր երկրների մասնակիցներ՝ Բելոռուս, Գերմանիա, Իրան, Չինաստան եւ Ղազախստան: Տեղի են ունեցել ավելի քան 200 միջոցառում՝ հանդիպումներ գրողների հետ, գրքերի շնորհանդեսներ, կոնֆերանսներ, քննարկումներ եւ վարպետության դասեր:
Հաշվի առնելով անվանի գիտնական, բազմաթիվ ակադեմիաների իսկական անդամ, Ռուսաստանի բնագիտության ակադեմիայի պրոֆեսոր, «Ազգ» թերթի երկարամյա աշխատակից Ստեփան Պապիկյանի գիտական աշխատանքների արդիականությունը, գիտական եւ մանկավարժական նշանակությունը եւ համառոտագրերը ներառվել են գրքի 37-րդ մոսկովյան միջազգային ցուցահանդեսի կատալոգում (Սեպտեմբերի 4-8, 2024թ. Մոսկվա):
Ուրախալի է, որ Ս. Պապիկյանի գիտական վաստակը միջազգային հարթակներում բազմիցս արժանանում է բարձր գնահատանքի:
