«Վատիկան նյուզը» («ՎՆ») հաղորդում է, որ հուլիսի 28-ին Վատիկանում կնքվել է Ադրբեջանի հետ միջկրոնական երկխոսության խթանման համաձայնագիր, որն ըստ կարդինալ Ջորջ Ջեյքոբ Կուվակադի, «ամրապնդված հարաբերությունների արդյունքն է», «քրիստոնյաների եւ մահմեդականների երկխոսությունը խթանելու մտադրության արտահայտությունը»: Սակայն «ՎՆ» լուռ է, երբ խոսքը Ադրբեջանի զավթած՝ Արցախի հայոց ժառանգության օտարման, դիտավորյալ ոչնչացմանն է վերաբերում, բացատրություն չի տվել իր հարկի տակ Աղվանքի ալբանականացման մասին կեղծ թեզերով ժողովից, հրաժարվել է Բեռնի համաժողովից: Բեռլինում Բաքվի դեսպանը X-ում տեղադրում է Ստեփանակերտի 2019-ին կառուցված Աստվածամոր տաճարի, Գանձասարի վանքի, Բաքվի սուրբ Գր. Լուսավորչի անխաթար պատկերը՝ որպես հայրենի մշակութային կոոնական ժառանգության պաշտպանված, իսկ Ղազանչեցոցի գմբեթի փոփոխությունը՝ որպես վերականգնված վկայություն: Ո՞ւմ են խոստացել մեր ժառանգությունը:
ԱՆԱՀԻՏ ՀՈՎՍԵՓՅԱՆ
Գերմանիա
