Գերմանիայում Ադրբեջանի դեսպան Աղաեւը հոկտեմբերի 6-ին X-ի հարթակում մի տեսահոլովակ է տեղադրել՝ կից գրությամբ. «Ադրբեջանի ազատագրված Շուշիի եկեղեցին գեղեցիկ վերականգնված է: Նախնական տեսքը, ինչպիսին կար զավթումից առաջ, վերածնվել է: Մեր հայրենիքի մշակութային եւ կրոնական ժառանգության պահպանումը գերակայող առաջնահերթություն է»: Տեսախաբկանք չէ՝ չոր աչքն էլ, թաց աչքն էլ կվկայի, որ Շուշիի սուրբ Ղազանչեցոց եկեղեցին է՝ խորթ հանդերձով, կապույտ տանիքներով, գմբեթարդ դարձած, առանց երկնառաք խաչի…սպիտակ պատերի վրա երկու տեղ խաչը հուշում է, որ օտարվելու է քրիստոնյա որեւէ համայնքի: Սեպտեմբերի 13-ի «Ազգում» գրել ենք Բաքվի եպիսկոպոս Ալեքսիյ Սմիռնովի ակնարկածը՝ «Անհրաժեշտության դեպքում ջանք կգործադրենք վերականգնելու ավերակված կրոնական հուշարձանները ազատագրված տարածքներում»: Ռուսնե՞րն են «վերականգնել», Ղազանչեցոցը ռուսակա՞ն է դառնում, թե՞ աղվանական:
ԱՆԱՀԻՏ ՀՈՎՍԵՓՅԱՆ
