Մայիսի 1-ին լրացավ մեր թերթի հիմնադիր կազմի անդամ, 31 տարի շարունակ «Ազգ»ի յուրաքանչյուր համարում իր թարգմանած կամ սեփական նյութերով մշտաներկա աշխատակից, անգլերեն լեզվի հմուտ մասնագետ, տարբեր համալսարաններում արդար վաստակ ունեցող դասախոս, վերջապես՝ բարի, ազնիվ եւ արդարամիտ ընկեր Հակոբ Ծուլիկյանի ծննդյան 80-ամյակը:
Այս առիթով, բացի քաջառողջության մաղթանքներից, մեր գործընկերոջը մաղթում ենք հարատեւ կորով ու երջանկություն իր հրաշալի ու հոգատար ընտանիքում եւ «Ազգ»ականների միջավայրում:
Շնորհավոր 80-ամյակդ, մեր սիրելի ընկեր:
