2022 թվականի ընթացքում ՀՀ եւ ԻԻՀ միջեւ դիվանագիտական հարաբերությունների հաստատման 30-ամյակին նվիրված կազմակերպվել են մի շարք միջոցառումներ: Այդ շրջանակներում նոյեմբերի 19-ին Թեհրանում ՀՀ դեսպանությունում տեղի է ունեցել Վահագն Աֆյանի հեղինակած Դիվանագիտական բառարանի շնորհանդեսը: Գրքի հրատարակիչն է Ֆարդին Ահմադին:
Օրերս էլ Թեհրանի հայոց թեմի առաջնորդ Տ. Սեպուհ արք. Սարգսյանն ընդունել է «Իրանահայ ջրանկարիչներ» վերնագրով գրքի հեղինակ Ամիր Դավուդիփուրին եւ «Ա.Մանուկյան» թանգարանի տնօրեն Ալիս Շահմուրադյանին: Պարոն Դավուդիփուրը Սրբազան Հորն է նվիրել իր հրատարակած «Իրանահայ նկարիչներ» գրքից եւ Միշա Շահբազյանի նկարչության նմուշների գիրք-ալբոմից մեկական օրինակ:
«Իրանահայ նկարիչներ» վերնագրով գրքում ներկայացվում են իրանահայ այն ջրանկարիչները, որոնք իրենց ներդրումն են ունեցել Իրանի ժամանակակից գեղանկարչության ասպարեզում: Գրքի նյութերը հավաքել եւ տպագրության է պատրաստել Ամիր Դավուդիփուրը: Գիրքը հրատարակվել է հայերեն, պարսկերեն եւ անգլերեն լեզուներով:
ԿԱՐԵՆ ՄԿՐՏՉՅԱՆ
