«Մեր նպատակը Շանհայի համագործակցության կազմակերպությանն անդամակցելն է»

19

Այդ մասին սեպտեմբերի 17-հայտարարել է Թուրքիայի նախագահ Էրդողանը՝ մասնակցելով սեպտեմբերի 15-16-ը կազմակերպության Սամարղանդում հրավիրված գագաթաժողովին:  Նրա հայտարարությունը երկրի քաղաքական շրջանակներում միանշանակ չի ընդունվել: Ընդդիմությունը կանխագուշակելով, որ դա հղի է Թուրքիայի օտարմանը ԱՄՆ-ից ու Եվրոպական Միությունից, չկշռադատված հայտարարության համար քննադատել է Էրդողանին: Այդ ընթացքում Շանհայի համագործակցությանը անդամակցելու դիմաց Թուրքիային առաջադրվել է ՆԱՏՕ-ի հետ կապերը խզելու նախապայմանը:

Ինչպես նշել է РИА Новости-ն,  նախապայմանն անձամբ առաջադրել է Շանհայի համագործակցության կազմակերպությունում ՌԴ նախագահի հատուկ ներկայացուցիչ Բախտիար Խակիմովը, նշելով որ անդամակցության թեկնածուները պետք է համապատասխան լինեն կազմակերպության որոշակի չափորոշիչներին: Ապա նա հավելել է. «Թուրքիան NATO-ի անդամ պետություն է, ընդ որում այն կառույցի, որը Ռուսաստանին համարում է ոչ թե սովորական հակառակորդ, այլ թիվ առաջին Թշնամին: Թուրքիայի անդամակցության դիմումը քննարկման կդրվի այն ժամանակ, երբ կազմակերպությունը դա ստանա: Մինչդեռ Անկարան այդ ուղղությամբ որեւէ քայլ դեռ չի կատարել»:

Հ. ՉԱՔՐՅԱՆ