Սիրելի հայրենակիցներ,
Հաշվի առնելով, որ 100 հազարից ավելի արցախցի մեր եղբայրներն ու քույրերը հանկարծակի եւ դաժան պայմաններում ստիպված են եղել լքել իրենց պապենական հայրենիքը եւ այժմ Հայաստանում աներեւակայելիորեն հուսահատության են մատնված, բազմաթիվ կազմակերպություններ փորձում են օգնության տարբեր ծրագրեր իրականացնել:
Մ. Նահանգների եւ Կանադայի Թեքեյան Մշակութային Միության վարչությունը, որ տասնամյակներ շարունակ Հայաստանին եւ Արցախին օժանդակելու հարուստ փորձ ունի շնորհիվ համապատասխան ֆոնդերի առկայության, այժմ ձեռնարկում է «Նվիրատուի ինքնությունը հաստատող օգնություն ստացողի ձեւաչափով» երեք հստակ ծրագիր իրականացնել: Նվիրատուները կարող են ընտրություն կատարել հետեւյալներից.
(ա) Մենք ընդարձակելու ենք մեր քաջածանոթ եւ հաջողություն արձանագրած «Հովանավորիր մի ուսուցիչ» ծրագիրը, կանխիկ նյութական օգնություն տրամադրելով Արցախից նոր տեղահանված դասատուներին, մտավորականներին եւ նրանց ընտանիքներին:
(բ) Անմիջական կանխիկ օգնություն է ցուցաբերվելու տեղահանված ընտանիքներին, առաջնահերթություն տալով այն ընտանիքներին, որոնցում կան մեծահասակներ եւ մանկական տարիքի անդամներ:
(գ) Անմիջական օգնություն է ցուցաբերվելու նաեւ վառելանյութի սարսափելի պայթունի հետեւանքում այրվածքներով տուժածներին, որոնք այժմ բուժվում են Երեւանի Այրվածքաբանության եւ Մաշկաբանության ազգային կենտրոնում, եւ նրանց ընտանիքներին:
Վերոնշյալ 3 տարբերակներում յուրաքանչյուր անձին հատկացված գումարը կազմելու է 200 ԱՄՆ դոլար:
ԹՄՄ-ի Երեւանի ներկայացուցչության գրասենյակի վերահսկողության ներքո երիտասարդ կամավորների մի խումբ իրականացնելու է այս ծրագրերը: Նվիրատուները օգնությունը ստացողի ինքնության վերաբերյալ ստանալու են գաղտնի տեղեկություն:
ԹՄՄ-ի Կենտրոնական վարչությունը վերոնշյալ ծրագրերը իրականացնելու է 5000 ԱՄՆ դոլարի սկզբնական հիմնադրամով: Կախված մեր նվիրատուների առատաձեռնությունից՝ կազմակերպությունը հույս ունի, որ կկարողանա կարճ ժամկետում օգնություն ցուցաբերել 100 ընտանիքների, իսկ շուտով նաեւ հազար եւ ավելի ընտանիքների:
Նվիրատուները կարող են վերոնշվածներից մեկ կամ ավելի ծրագրերի մասնակցել: Նրանք ստանալու են մարդասիրական օգնություն ցուցաբերելու հարկերից ազատման ստացականներ: ԹՄՄ-ն ոչ մի գումար չի ակնկալում իր ծառայության դիմաց:
ԱՄՆ-ում նվիրատվությունները ուղարկել հետեւյալ հասցեով. Tekeyan Cultural Association Artsakh Aid, 755 Mount Auburn Street, Watertown MA 02472, https://givebutter.com/AGuStb, իսկ Կանադայում՝ Tekeyan Cultural Association Artsakh Aid, 825 Manougian Str., Ville Saint-Laurent, Que՛bec H4N 1Z5, Canada հասցեով, https://www.convergepay.com/hosted-payments/?ssl–txn–auth–token=khtGf%2FjkTgWma7C7Eev3bQAAAYrSp5tT#!/payment-method: https://mirrorspectator.com/2023/10/03/tekeyan-cultural-association-launches-transparent-artsakh-refugees-aid-program-directed-to-individuals/
Սիրելի հայրենակիցներ, անմիջապես կատարեք Ձեր նվիրատվությունները, որպեսզի օգնենք մեր աղետյալ հայրենակիցներին:
ԱՄՆ-ի եւ ԿԱՆԱԴԱՅԻ ԹՄՄ ԿԵՆՏՐՈՆԱԿԱՆ ՎԱՐՉՈՒԹՅՈՒՆ
