ՀՀ Վայոց Ձորի Արենի բնակավայրի նորակառույց մանկապարտեզի համար Արեւորդի ՀԿ-ի եւ Ucom-ի համագործակցության շրջանակներում տեղադրվել են 10.4 կՎտ դրվածքային գումարային հզորությամբ արեւային վահանակներ: Տարեկան հնարավոր է արտադրել 15600 ԿՎտժ էլեկտրական էներգիա: Այսքան էներգիա ջերմային էլեկտրակայաններում արտադրելու համար կծախսվեր մոտ չորս տոննա վառելիք:Հետեւաբար շրջակա միջավայր չի արտանետվի համապատասխան քանակությամբ ազոտի եւ ծծմբի օքսիդներ, այլ թունավոր նյութեր:
Փաստենք, որ համայնքի մանկապարտեզը կառուցվել է 2024թ. սեպտեմբերին: Շենքի նախագիծը նախատեսում էր արեւային կայան տեղադրելու համար: Արենի համայնքը դիմել էր Ucom-ին եւ Արեւորդի ՀԿ-ին՝ աջակցելու կայանի տեղադրման հարցում: Մանկապարտեզի տանիքին տեղադրված արեւային վահանակները հնարավորություն կտան արտադրելու էլեկտրական էներգիա,որը կբերի վառելիքաէներգետիկ ռեսուրսների խնայողությանը: Հետագայում հնարավոր է իրականացնել նաեւ ջեռուցում:
Անհրաժեշտ է նշել,որ ներկայում Արենիի մանկապարտեզ հաճախում է շուրջ 80 երեխա: Մանկապարտեզի շենքային պայմաններն հնարավորություն են տալիս 120 երեխա հաճախելու համար: Տեղադրված արեւային վահանակները կնպաստեն համայնքի հետագա զարգացմանը:
ՍՏԵՓԱՆ ՊԱՊԻԿՅԱՆ
