«Վատիկանը համագործակցության մի շարք նոր համաձայնագրեր է ստորագրել Ադրբեջանի հետ», իրազեկում է The Pillar-ը՝ սեպտեմբերի 13-ին: Հոդվածագիր Էդգար Բելտրան (Edgar Beltrոn) քննադատական հայացքով մանրամասնում է, որ «իր տարածքում քրիստոնյա փոքրամասնությունների էթնիկ զտման մեջ մեղադրվող Ադրբեջանը» սեպտեմբերի 9-ին համաձայնագրեր է ստորագրել Բամբինո Գեսու մանկական հիվանդանոցի եւ սեպտեմբերի 10-ին Վատիկանի առաքելական գրադարանի եւ արխիվների հետ, որի համաձայն «Ադրբեջանը կաշխատի Վատիկանի արխիվներում գտնվող ադրբեջանական պատմությանը վերաբերող փաստաթղթերի թվայնացման, ինչպես նաեւ հետազոտությունների, սեմինարների, ցուցահանդեսների եւ մատենագիտական նախաձեռնությունների ոլորտում համագործակցության վրա»:
Հույս ունենք, որ անցնող օրերին Վատիկան այցելած մեր Ամենայն Հայոց Հայրապետը, կարեւոր այլ հարցերի շարքում նաեւ Վատիկան-Բաքու այդօրինակ համագործակցությունը քննադատելու առիթ ունեցել է:
ԱՆԱՀԻՏ ՀՈՎՍԵՓՅԱՆ
