2023 թվականի հոկտեմբերից ի վեր Գազայի հատվածում Իսրայելի գործողությունների հետևանքով մոտ 37,6 հազար պաղեստինցի է մահացել, ավելի քան 86 հազարը վիրավորվել է. տվյալները հայտնում է Պաղեստինի անկլավի առողջապահության նախարարությունը։
«2023 թվականի հոկտեմբերից Գազայում իսրայելական ագրեսիայի զոհերի թիվը հասել է 37598-ի, ևս 86032 մարդ վիրավորվել է», – ասվում է գերատեսչության ամփոփագրում, որը հրապարակվել է իր պաշտոնական Telegram ալիքում:
Գազայի առողջապահության նախարարությունը նշել է, որ վերջին 24 ժամվա ընթացքում իսրայելցի զինվորականների գործողությունների հետևանքով 47 պաղեստինցի է զոհվել, ևս 121-ը՝ վիրավորվել։
