ԱՐՄԱՆ ԱՌԱՔԵԼՅԱՆԻՆ ՏՈՒՆ ԲԵՐԵՔ ԳԵՎՈՐԳ ԳՅՈՒԼՈՒՄՅԱՆ Արդեն տեւական ժամանակՙ Ռուսաստանի Դաշնության Սանկ Պետերբուրգ քաղաքի բանտում պատիժը կրող Արման Առաքելյանի հարազատներն ու բարեկամները պահանջում են նրա արտահանձնումըՙ Հայաստանի Արդատադատության նախարարությանը, որը, ցայսօր, ինչ-ինչ պատճառներով դեռեւս տեղի չի ունեցել, որովհետեւ հիշյալ նախարարությունը հայտարարում է, որ «նպատակահարմար չի գտնում»: Արման Առաքելյանը Էջմիածին քաղաքի բնակիչ է: 2015թ ՌԴ-ում իրեն պատկանող ռեստորանում սպանել է մի ադրբեջանցու, որի համար Պետերբուրգի դատարանը նրան դատապարտել է 18 տարվա ազատազրկման: Իսկ սպանությունը շատ յուրահատուկ հանգամանքներում է տեղի ունեցել: Սպանությունից օրեր առաջ, սպանվողի եղբորորդին, իր չորս ընկերների հետ, գնացել է Արման Առաքելյանին պատկանող ռեստորան եւ ադրբեջանական մուղամ պատվիրել, ի դեպ, այդ օրը Սուրբ Խաչի օրն է եղել: Երաժիշտները զանգել են Արման Առաքելյանին եւ ներկայացրել իրավիճակը, որից հետո վերջինս արգելել է որեւէ ադրբեջանական երաժշտություն հնչեցնել: Դրանից հետո ադրբեջանցի երիտասարդն իրարանցում է ստեղծել, բացահայտ անհարգալից պահվածք դրսեւորել ներկաների հանդեպ, աշխատակիցները նրան դուրս են հանել ռեստորանից ու ճանապարհել տուն: Դեպքից մոտ տասն օր ռեստորան է եկել այդ երիտասարդի հորեղբայրը Արմանն իր ռեստորանը կահավորել էր բուն հայկական ոճով, այնտեղ միշտ հայկական երաժշտություն էր հնչում, պատերից կախված էին հայ ազատագրական պայքարի հերոսների մեծադիր լուսանկարները: Բոլորն ասում են, որ Արմանն այդ ամենը արել է, որ տեղի հայերն այդ ռեստորանում իրենց տանը զգան: Մտնելով ռեստորանՙ ադրբեջանցին իրեն ավելի անասնակերպ է պահել, քանՙ եղբորորդին: Նա սկսել է ամենավերջին բառերով հայհոյել հայ ազգին, մեր հերոսներին ու թքում նրանցից մեկի լուսանկարի վրա: Հենց այդտեղ էլ, ինչպես ասում են, դանակը ոսկորին է հասել, որից հետո Արմանն սպանել է իր ազգը վիրավորած ադրբեջանցուն: Այսօր Արմանը փակված է Սանկտ Պետերբուրգի բանտում, հայրենիքից հեռու, թեպետ նա այդ քայլն արել է հանուն հայրենիքի: Ցավոք սրտի, ազգային արժանապատվության մեծ զգացում ունեցող այդ հայորդու հանդեպ հայրենի իշխանություններն այնքան էլ բարյացակամ չեն տրամադրված: Նրանք անվեջ մերժում ենՙ ընթացք տալ Արման Առաքելյանիՙ ՀՀ արատահանձնման գործընթացին, եւ դա այն դեպքում, երբ Արմանի փաստաբանը վեց ամսվա ընթացքում կարողացել է ստանալ ՌԴ Արդարադատության նախարարության համաձայնությունըՙ նրան Հայաստան արտահանձնելու: Հասկանալի է. սա ապազգային դիրքորոշում է: Մարդը պաշտպանել է իր ազգային արժանապատվությունը, եւ ի վերջո մարդ է սպանել: Ի՞նչ եք կարծում, նման պայմաններում պիտի համբուրե՞ր այն մարդու ճակատը, ով թքել է իր ազգային հերոսի լուսանկարի վրա, ով հայհոյել է մեր ազգը... Աստված մի արասցե, եթե հանգամանքները տարբեր լինեին, ադրբեջանցիներն արդեն վաղուց իրենց հայրենակցին Բաքու տեղափոխած ու պատվո շքանշաններ հանձնած կլինեին, ինչպես Սաֆարովին: Բայց Արմանին ո՛չ շքանշան է հարկավոր, ո՛չ էլ որեւէ այլ բան, նրա ամենամեծ շքանշանն ինձ պես մարդկանց հարգանքն է եւ ասեմ, որ ինձ պես մտածողները քիչ չեն: Արմանին պարզապես պետք է տեղափոխել Հայաստան, թող նա վերադառնա հայրենիք եւ այստեղ կրի իր պատիժը: Գոնե բանտի ընեկրները նրան կհարգեն... | 
